25-01-2020
Aínda que só sexa polo que representa debemos defender o noso patrimonio. Hoxe vén a conto a casona de Lemos -actual Casa da Cultura de Chantada, biblioteca, oficina de turismo, etc-, xa que o arquitecto que levou a cabo a súa rehabilitación, Manuel Gallego Jorreto, paisano do Carballiño, recibiu este venres na Coruña o Premio Nacional de Arquitectura 2018.
Nós debemos de coñecer e apreciar a orixinalidade de esta obra, xa que o autor do proxecto soupo diseñar dous espazos diferenciados, o exterior que permaneceu practicamente inalterado, e o interior que foi baleirado e adaptado ás novas necesidades. O caserón dos Lemos destaca polo tanto pola sua singularidade pero tamén por ser o edificio máis representativo do casco vello de Chantada ao desaparecer outros como as antigas murallas, a torre de Chantada ou a casa dos Moure.
Debemos protexer esa zona vella tan nosa -afortunadamente a zona de expansión da nova construción de Chantada mantívose relativamente á marxe do casco antigo- e sabela conservar e transmitir ás futuras xeracións.
Enlaces:
Casa da Eirexe 